Энэ һанамжа Буряад Уласай толгойлогшо Алексей Цыденов дурадхаһан байна. Мʏнɵɵ дээрээ тус асуудалаар Буряад Уласһаа Федерациин Зүблэлэй сенатор Вячеслав Наговицын ажал ябуулна.
- Һэргээлгын түб Горячинск һууринда баригдаха гэжэ тʏсэблэгдэнэ. Юундэб гэхэдэ, тэндэ аргалха ашагта малтамалай уһаар суута амаралгын газар оршодог. Можохоорондын түбтэ Алас Дурнын бүхы нютагуудһаа сэрэгэй тусхай ябуулгада хабаадагшадта бэе махабадай комплексно һэргээлгэ хэхэ болоно юм. Буряад Уласай хүн зониие ниигэмэй талаар хамгаалгын сайд Татьяна Быковатай тус асуудал зʏбшэн хэлсэгдэнхэй. Уулзалга дээрэ техническэ шэнжэнүүд, барилгын талмай, дэбисхэр, эрилтэнүүд болон мүнөө үеын хизаарлалтануудай асуудалнууд бодхоогдоо, - гэжэ Буряад Уласһаа Федерациин Зүблэлэй сенатор Вячеслав Наговицын «ВКонтакте» гэһэн сʏлжээ холбооной дэбисхэртэ ɵɵрын хуудаһан дээрээ дуулгаһан байна.
Энэ тʏбтэ ганса эмнэлгын талаар бэшэ, мʏншье социальна туһаламжа ʏзʏʏлэгдэхээр хараалагдана. Буряад Уласай хүн зониие ниигэмэй талаар хамгаалгын сайд Татьяна Быковагай хэлэһээр, тэндэ реабилитационно мэргэжэлтэд, социологууд, психологууд болон багшанар хүдэлхэ юм.