Энэ жэлэй июль һара соо Буряад Улас федеральна жаса һаа тэтхэмжэдэ хүртэхэ аргада хүрөө. Тиимэ ушараар энэ жэлдэ республика соо хоёр модульна корпус-танхим баригдаха болоно - Загарайн аймагай Онохой-Шэбэр нютаг соо хүүгэдэй амаралтын газар «Дружба» гэһэн түб соо. Энээн тухай Буряадай толгойлогшо Алексей Цыденов мэдүүлбэ.
Түргэн баригдаха байшангууд 98 хүниие амаруулха багтаамжатай. Тэндэ сахилгаан сүлжээ, уһан, канализаци оруулагданхай байха юм. Байшан бүхэндэ арбан долоон үрөө байха: унтариин үрөө бэеэ угааха аргатай, хубсаһаяа тайлаха үрөө, хубсаһаяа ба гуталаа хатааха үрөө, сахилгаанай хэрэгсэлнүүдэй үрөө. Амаралтын түбэй талмай үхибүүдэй сүлөөтэй сагаа бүтэн һайнаар, эдэбхитэйгээр үнгэргэхэ хэрэгсэлнүүдээр дүүрэн байха, мүн тиихэдэ эрэмдэг бэетэй зондо баһал хэрэгсэлнүүд табигдаха тэндэ. Ниитэдээ энэ байшангуудта гүрэнэй ба уласай жаса һаа 108 хахад сая түхэриг гаргагдаха.
- Буряад Уласта 2023 ондо мүн тиихэдэ хоёр амаралтын түбүүд шэнэлэгдэхэ юм: Захааминай аймагай Үлэгшэн нютаг соо «Гэсэр» гэһэн ба Улаан-Үдэ хотын «Старт» гэһэн түбүүд соо. Түб бүхэн соонь 196 хүнэй хоёр модульна байшангууд баригдаха болоно. Тэндэ бүхы хэрэгтэй зүйлэнүүд байха баһа, - гэжэ Алексей Цыденов тэмдэглээ.
